Տեղեկատվական կենտրոն

Պաշտոնական լրահոս

Խորհրդակցություններ ԼՂՀ կառավարությունում

05.09.2013

Սեպտեմբերի 3-ին ԼՂՀ կառավարությունում տեղի է ունեցել պարտադիր կենսաթոշակային կուտակային համակարգի ներդրման հարցերին նվիրված աշխատանքային խորհրդակցություն, որն անց են կացրել ԼՂՀ և ՀՀ վարչապետներ Արա Հարությունյանը և Տիգրան Սարգսյանը:

Խորհրդակցությանը քննարկվել են խնդրո առարկա հարցի արդյունավետ կիրառման մեխանիզմները: ԼՂՀ վարչապետի որոշմամբ ստեղծված` կենսաթոշակային բարեփոխումների իրականացումն ապահովող հանձնաժողովի նախագահ, ֆինանսների և էկոնոմիկայի փոխնախարար Գրիգորի Մարտիրոսյանը ներկայացրել է աշխատանքային ծրագրում նշված գործառույթների կատարման մասին տեղեկություններ:

Խորհրդակցությանը ՀՀ կառավարության ղեկավարի կողմից հայաստանյան համապատասխան կառույցների պատասխանատուներին տրվել են կոնկրետ հանձնարարականներ` ԼՂՀ գործընկերներին խորհրդատվական օգնություն ցուցաբերելու նպատակով:

***

Երկու հայկական հանրապետությունների կառավարությունների ղեկավարների մասնակցությամբ նույն օրը տեղի ունեցած մեկ այլ խորհրդակցություն վերաբերում էր Արցախի գյուղատնտեսության բնագավառում առկա զարգացումներին և ոլորտի առաջընթացն ապահովելուն ուղղված առաջիկա ծրագրերին:

ԼՂՀ գյուղնախարար Անդրանիկ Խաչատրյանն իր զեկույցում ներկայացրել է հանրապետության գյուղատնտեսության ոլորտում նախորդ տարիներին կատարված աշխատանքները` նշելով պետության կողմից իրականացված քաղաքականության հիմնական ուղղությունները և ոլորտի զարգացմանը նպաստող համալիր միջոցառումները:

Իր հերթին, ՀՀ գյուղատնտեսության նախարար Սերգո Կարապետյանը կարևորել է հայաստանյան և արցախյան գործընկեր նախարարությունների ավանդական սերտ փոխգործակցության հետևանքով ձևավորված արդյունավետ աշխատանքային հարաբերությունները, առանձնապես կարևորելով ներկայումս համատեղ մշակվող պարենային անվտանգության հայեցակարգը:

***

Խորհրդակցությունների ավարտին ԼՂՀ և ՀՀ վարչապետների ներկայությամբ ստորագրվել են մի շարք փաստաթղթեր` նվիրված երկու հայկական հանրապետությունների գյուղատնտեսության, աշխատանքի և սոցիալական հարցերի և բյուջետային բնագավառներում համագործակցության ընդլայնմանը:

 

← Վերադառնալ ցուցակին